د کډوالو او بېرته راستنېدونکو چارو وزارت وايي، ۲۴۶ تنه نور افغان کډوال د پاکستان له زندانونو ازاد او د روانې غویي میاشتې په ۲۷مه نېټه هېواد ته ستانه شوي دي.
د کندهار د سپین بولدک او د ننګرهار ولایت د تورخم د سرحدي امریتونو د معلوماتو له مخې، دغه کسان د پاکستان په بېلابېلو سیمو کې نیول شوي او له یوې تر لسو ورځو پورې بندیان وو.
د کډوالو او راستنېدونکو چارو وزارت زیاته کړې، چې یاد کسان تر ثبت او بشري مرستو له ترلاسه کولو وروسته خپلو اصلي سیمو ته لېږدول شوي دي.
