ټاس خبري اژانس په یوه راپور کې ویلي، چې د روسیې ولسمشر ولادیمیر پوتین خبرداری ورکړی، که لوېدیځ هېوادونه روسي سوداګریزې کښتۍ ونیسي، مسکو به ورته په متقابل ډول ځواب ورکړي.
پوتین ویلي، که د روسي کښتیو د نیولو پلانونه عملي شي، روسیه به اړ شي چې ځواب ورکړي.
هغه ټینګار کړی چې د مسکو احتمالي غبرګون به یوازې هغو سیمو ته محدود نه وي چې روسي کښتۍ پکې نیول کېږي، بلکې روسیه به هر هغه ځای کې اقدام وکړي، چې ورته اړین او مناسب ښکاري، ان د پاسیفیک سمندري ځواک د مسوولیت په سیمه کې هم.
پوتین دغه څرګندونې د روسیې د ختیځ ساخالین ټاپو په سیمه کې کړې دي.