هندوکش غږ ته له کره او باوري سرچينو څخه رسېدلي معلومات ښيي، چې د افغان هوايي ځواک له لوري د ډرون په وسيله د پاکستان تر ولکې لاندې، د چترال په شاه سليم سيمه کې د دوه ورځې وړاندې بريدونو له امله د تش په نوم جبهاتو (مقاومت جبهه او ازادۍ جبهه) او نورو خیالي جبهو پټنځايونو ته درانه زيانونه اوښتي.
سرچينې ويلي، په دې بريدونو کې د افغان حکومت مخالفانو ته د پاکستاني رژيم له لوري ورکړل شوي مرکزونه په بشپړ ډول له منځه تللي، ۷ تنه وژل شوي او ۱۰ نور ټپيان دي، چې د پاکستاني رژيم په مستقيمه مرسته نږدې روغتونو ته وړل شوي.
معلومات ښيي، چې د تش په نوم جبهو غړو د افغان ځواکونو له بريدونو وروسته يادې سيمې په بشپړ ډول پرېښي او مرکزي چترال ته تښتېدلي دي.