د کورنیو چارو وزارت ویلي، چې د لوګر د شکارکلا او بلخ له روزنیزو مرکزونو څخه ۸۰۲ تنه د ساتنمنۍ اساساتو، مسلکي او اختصاصي زدهکړو له بشپړولو وروسته فارغ شوي دي.
د لوګر د شکارکلا له روزنیز مرکز څخه ۶۵۳ تنه فارغ شوي، چې ۳۶۹ تنو یې اختصاصي او ۲۸۴ تنو یې مسلکي زدهکړې بشپړې کړې دي. دوی د ډرېورۍ، میډیک، تکتیک، ثقیلو وسلو، کشفي وړتیاوو، مخابرو او پرنټر ترمیم په برخو کې زدهکړې ترلاسه کړې دي.
په ورته مهال، د بلخ له روزنیز مرکز څخه هم ۱۴۹ تنه له مسلکي او اختصاصي زدهکړو وروسته فارغ شوي دي.
د کورنیو چارو وزارت وايي، د دغو روزنیزو پروګرامونو موخه د ځانګړو ځواکونو د مسلکي او اختصاصي وړتیاوو لوړول او د دندو د لا اغېزمن ترسره کولو لپاره د هغوی د مهارتونو پیاوړتیا ده.