د بهرنيو چارو وزارت وياند حافظ ضياء احمد تکل ويلي، په کویټ کې افغان سفير مولوي محمد شفیق خطیب، د کویټ دولت د زندانیانو د چارو ادارې له مرستیال، ابو فهد فایز البراک، سره د افغان بندیانو د ستونزو او آزادۍ په تړاو مهمه لیدنه ترسره کړې.
د تکل په وينا، په دې کتنه کې دواړو لوریو د افغان بنديانو د وضعيت په اړه رغنده او مثبتې خبرې وکړې، چې په پایله کې یې ۲۰ تنه افغان بندیان آزاد شول.
دغه آزاد شوي افغان زندانيان به نن شپه د فلای دوبۍ هوايي شرکت له لارې کویټ څخه دوبۍ ته ولېږدول شي چې بيا به وروسته کابل ته راستانه شي.
بهرنیو چارو وزارت ټينګار کړی، چې په بهرنیو هېوادونو کې د مېشتو او بندي افغان اتباعو د حقوقو د خوندیتوب او د هغوی د ستونزو د حل لپاره خپلې هڅې دوامداره ساتي.