د ګډو ګټو خپلواکو هېوادونو ټولنې سرمنشي، سرګي لیبیدیف د افغانستان د منزوي کولو پر تګلارې توندې نیوکې کړي او ویلي یې دي، چې دغه تګلاره اغېزناکه نه ده.
نوموړي ټینګار کړی، چې د افغانستان فعال ګډون په سیمهییزو اقتصادي، ټرانزیټي او امنیتي پروژو کې د اوراسیا د دوامدار ثبات لپاره اړین دی.
هغه زیاته کړې، چې د سازمان غړو هېوادونو د افغانستان په اړه عملي او واقعبینانه دریځ غوره کړی او له اسلامي امارت سره یې اقتصادي، ټرانزیټي او امنیتي اړیکې ساتلې دي.
د ګډو ګټو خپلواکو هېوادونو ټولنې سرمنشي دا هم ویلي، چې د دغو همکاریو پراختیا د سیمې د ګډ امنیت او اقتصادي اړیکو په پیاوړتیا کې مرسته کولای شي.