د کانونو او پټرولیم وزارت ویاند، همایون افغان ویلي: «د ۱۴۰۳ کال له پیله تر اوسه، د کانونو او پټرولیم وزارت د لویو کانونو په برخه کې ۹ تړونونه کورنیو او بهرنیو شرکتونو ته سپارلي، چې د دغو پروژو د پانګونې ارزښت ۲۱۳ میلیارده افغانۍ دی.»
ښاغلی افغان زیاته کړې ده چې، د ۱۴۰۳ لمریز کال له پیلېدو راهیسې د یو اعشاریه اته میلیارده افغانیو په ارزښت د ۱۸ کوچنیو کانونو د استخراج قراردادونه کورنیو شرکتونو ته هم ورکړل شوي دي.
یاده دې وي چې پر افغانستان د اسلامي امارت له بیا ځل حاکم کېدو وروسته ګڼ شمېر بهرنیو او داخلي پانګوالو په لویو او کوچنیو کانونو کې پانګونې کړي او دا لړۍ لا هم دوام لري.
