د ۲۱۵ عزم قول اردو د اوومې سرحدي محمدي لواء منسوبينو د هلمند ولايت د بهرامچې ولسوالۍ په ليډريک سيمه کې له ګاونډي هېواد څخه هېواد ته قاچاق کېدونکي ۷۳۰ کیلو ګرامه نشهیي توکي کشف او تر لاسه کړي.
ملي دفاع وزارت خبر ورکړی، دغه نشهیي توکي په یو عراده موټر کې ځای پر ځای شوي وو، چې په تړاو یې درې تنه له یو ميل پیکا، يو ميل کلاشينکوف او دوه پايې سټلایټ تليفونونو سره نیول شوي دي.
وزارت زیاته کړې، چې نیول شوي کسان به د څېړنو او تحقيقاتو په موخه اړوندو ارګانونو ته وپېژندل شي.