تسنیم خبري اژانس د ملګرو ملتونو له قوله ویلي، د ۲۰۲۶ کال له پیل راهیسې په اشغال شوې لوېدیځه غاړه کې ۷۷ فلسطینیان، چې ۱۸ ماشومان هم پکې شامل دي، شهیدان شوي دي.
د ملګرو ملتونو د بشري چارو د همغږۍ دفتر (OCHA) د راپور له مخې، په همدې موده کې د اسرائیلي رژیم د مېشتو کسانو له لوري پر فلسطینیانو او د هغوی پر شتمنیو له ۱۳۳۰ ډېر بریدونه ثبت شوي دي. د دغو بریدونو له امله لږ تر لږه ۱۰ فلسطینۍ کورنۍ بېځایه شوې او کورونو، جوماتونو او کرنیزو تاسیساتو ته زیانونه اوښتي دي.
یاد اژانس د فلسطیني سرچینو له قوله ویلي، اسرائیلي ځواکونو د نابلس ښار، د عسکر الجدید کډوالو کمپ او د قلقیلیې ختیځ ته د «کفر قدوم» پر ښارګوټي چاپې وهلې دي. د راپورونو له مخې، په نابلس کې د فلسطیني ځوانانو او اسرائیلي ځواکونو ترمنځ نښتې هم شوې دي.