د ایران سپاه پاسداران اعلان کړی، چې په هرمز تنګي کې یې دویمه بېړۍ هم په نښه کړې، په داسې حال کې چې امریکا پر ایران خپل تازه بریدونو ته دوام ورکړی دی.
د ایران سپاه پاسداران په یوه خبرپاڼه کې ویلي، هغه دویمه بېړۍ یې په نښه کړې، چې د دوی په وینا، د هرمز تنګي نافذ مقررات یې تر پښو لاندې کړي وو.
دا اعلان وروسته له هغې وشو، چې سپاه تر دې وړاندې هم پر یوې سوداګریزې بېړۍ د برید مسوولیت منلی و او امریکا یې په غبرګون کې پر ایران تازه هوايي بریدونه ترسره کړل.
بلخوا، د بریتانیا د سمندري سوداګرۍ د عملیاتو اداره «UKMTO» ویلي، سیمهییزو چارواکو د هغې بېړۍ عمله ژغورلې چې د عمان ختیځ ته شاوخوا ۹ سمندري میله لرې د یوې پېښې هدف ګرځېدلې وه.