نړيوالو رسنيو راپور ورکړی، د امریکا مرکزي قومندانۍ (سنټکام) اعلان کړی چې په هرمز تنګي کې پر یوې سوداګریزې بېړۍ د برید په غبرګون کې یې د ایران پر یو شمېر هدفونو هوايي بریدونه ترسره کړي دي.
د سنټکام په وینا، هغه بېړۍ چې د قبرس بیرغ یې لېږداوه، په هرمز تنګي کې تر برید لاندې راغلې وه.
په ورته وخت کې، د ایران سپاه پاسداران وایي، یوه کښتۍ د دوی په وینا له یوې “نا تایید شوې” سمندري لارې د هرمز تنګي له تېرېدو هڅه کړې وه، چې د خبرداریو له نه منلو وروسته په نښه شوه.
سپاه زیاتوي، له دې پېښې وروسته یې هرمز تنګی تړلی او خبرداری یې ورکړی چې د هر ډول پوځي اقدام پر وړاندې به سخت او قاطع غبرګون وښيي.