د ایران د سپاه پاسداران انقلاب اسلامي د عامه اړیکو ادارې ادعا کړې، چې د اردن په خاوره کې یې د امریکا پر ملک حسین او الازرق هوايي اډو د بالستیک توغندیو بریدونه کړي او د دغو اډو د تخنیکي او ترمیمي تاسیساتو او د جنګي الوتکو د ځای پر ځای کېدو سیمو ته یې درانه زیانونه اړولي دي.
د تسنیم خبري اژانس د راپور له مخې، سپاه ویلي چې دغه برید یې د ایران د لارک ټاپو پر وړاندې د امریکا او اسرائیلو د هوايي برید په ځواب کې د «متجاوز د مجازاتو» په عملیاتو کې ترسره کړی دی.
سپاه ګواښ کړی، چې د ایران پر ضد هر ډول بل برید به له لا سخت ځواب سره مخ شي او زیاته کړې یې ده، چې د ایران پر هرمز تنګي د کنټرول د کمزوري کولو هڅې به بې پایلې وي.