د پاکستان د پوځ پخواني افسر عادل راجا ویلي، چې د پاکستان د پوځ مشر عاصم منیر په امر د افغانستان پر پکتیا، پکتیکا او کونړ ولایتونو بریدونو کې د ښځو او ماشومانو په ګډون ټول ملکي وګړي شهیدان شوي دي.
د نوموړي په وینا، په دغو بریدونو کې درې استوګنیز کورونه په بشپړ ډول ویجاړ شوي او په پکتیا کې له لومړني برید وروسته هغه کسان هم په دویم هوايي برید کې په نښه شوي، چې د ژغورنې او مرستې لپاره سیمې ته ورغلي وو.
عادل راجا د پاکستان د پوځ دغه بریدونه د صهیونیستي رژیم له پوځي تګلارې سره پرتله کړي او پوښتنه یې کړې چې «د نتانیاهو او عاصم منیر ترمنځ څه توپیر شته؟»
هغه همداراز د پاکستان پر ولس غږ کړی، چې د دغو بریدونو پر وړاندې چوپ پاتې نه شي. «د پاکستان خلک به تر کومې ویده وي؟»