د ایران تسنیم خبري اژانس غزه کې د روانې نسل وژنې د ۱۰۰۰مې ورځې پوره کېدو په مناسبت د ماشومانو د مرګژوبلې او اغېزمنېدو ټکان ورکوونکې شمېرې خپرې کړي.
یاد اژانس د سرچینو له قوله لیکلي، چې د دغې جګړې له امله تر ۲۱ زره او ۵۰۰ ډېر ماشومان شهیدان شوي، چې له ډلې یې ۱۰۲۲ تنه شېدې خوړونکي ماشومان دي.
سرچینې زیاته کړې، چې غزه کې د صهیونیستي رژیم له خوا د پیل شوې نسل وژنې له امله ۱۶۴ ماشومان له لوږې هم مړه شوي دي.
په راپور کې راغلي، دغې جګړې له امله نږدې ۶۰زره ماشومان یتیمان شوي، چې له ډلې یې ۲۷۰۰ تنه ماشومانو خپل پلرونه او میندې دواړه له لاسه ورکړي دي.