د کور او ښار جوړولو وزارت ویلي، چې د فراه کډوالو ښارګوټي اصلاحي پلان له تخنیکي ارزیابۍ وروسته د یاد وزارت د وزیر مولوي نجیبالله حیات حقاني له لوري منظور شو.
وزارت زیاته کړې، چې یاد پلان د راستنو شویو د بیا مېشتېدنې، د ښاري خدمتونو تنظیم او د استوګنیزو سیمو د پراختیا په موخه جوړ شوی.
د یاد پلان لهمخې، د فراه کډوالو ښارګوټي کې راستنو شویو ته ۴ زره او ۲۷۷ استوګنیزې نمرې په پام کې نیول شوي دي.
په دغه پلان کې د استوګنیزو ساحو تر څنګ د سړکونو شبکې، عامه تاسیساتو، شنو ساحو، تعلیمي او روغتیايي خدمتونو او نورو اړینو ښاري اسانتیاوو لپاره هم مناسبې ساحې ځانګړې شوې دي.