د سویتزر لینډ په مرکز جینیوا کې یوې غونډې ته د بشر حقونو فعال فضل الرحمن اپریدي ویلي چې پاکستان له چین سره دوه مخې لوبه کوي.
هغه ویلي چې د پاکستان پوځ په خپلو نیابتي جنګیالیو چینایان وژني او بیا یې د ساتنې په نوم له چین څخه پیسې غواړي.اپریدي زیاته کړې چې پاکستان پیسو ته اړتیا لري.
درې ورځې وړاندې د پښتونخوا په شانګله کې یو برید پینځه چینایي انجینران له یو پاکستاني موټر چلوونکي سره ووژل.
د پاکستاني طالبانو په ګډون تر اوسه هیچا د دغه برید مسوولیت په غاړه اخیستی نه دی.
اپریدي ویلي چې پاکستان له دې وړاندې له امریکا سره هم دوه مخې لوبه کړې چې اوس غواړي له چین سره یې وکړي.