انادولو خبري اژانس خبر ورکړی چې لسګونه اروپایانو د بلجيم په پلازمېنه بروکسل کې د اروپايي شورا مخې ته لاریونونه کړي او د یادې شورا له مشرانو یې غوښتي، چې پر غزې د اسرائیل بریدونو د بندېدو لپاره دې پرې بندیزونه ولګوي.
د معلوماتو له مخې لاریون کوونکو ویلي، که اروپایي اتحادیه پر روسیې بندیزونه لګولی شي، نو ولې د اسرائیل د دوامداره بمبارۍ او کلابندۍ پر وړاندې هماغسې اقدامات نه کوي؟.
لاریونوالو ټینګار کړی، چې غزه د انساني ناورین له سخت حالت سره مخ ده او نړیوال سکوت دا ناورین لا ژوروي.