د کډوالو او بېرته راستنیدونکو چارو وزارت خبر ورکړی چې په تېرو نهو میاشتو کې څه باندې یو میلیون افغان کډوال له ګاونډیو هېوادونو څخه په زوره او یا هم په خپله خوښه افغانستان ته راستانه شوي دي.
د دغه وزارت د ویاند عبدالمطلب حقاني په وینا، له دې شمېرې ۹۳ زره کسان له پاکستان، ۱۷ زره له ترکیې او پاتې نور له ایران څخه راستانه شوي دي.
تر دې وړاندې د کډوالۍ نړیوال سازمان (IOM) خبر ورکړی وو، چې په ۲۰۲۴ کال کې له ایران او پاکستان څخه څه باندې ۱،۲ میلیونه افغانان افغانستان ته راستانه شوي دي.