د یمن د انصارالله ډلې پوځي ویاند جنرال یحیی سریع ویلي چې، ځواکونو یې له غزې څخه د ملاتړ او د صهیونیستي رژیم وحشتونو ته په ځواب کې د اشغال شوي فلسطین په جنوب، النقب سیمه کې د «نواتیم» هوايي ډګر په نښه کړی دی.
نوموړي ویلي چې، دغه عملیات د «فلسطین ۲» هایپر سونیک توغندي په وسیله ترسره شوي او د صهیونیستي رژیم د هوایي دفاع سستمونه یې په مخنیوي کې پاتې راغلي دي.
په دغه برید کې صهیونیستي اسرائیلو ته د اوښتې مرګژوبلې په اړه څه نهدي ویل شوي.
یاده دې وي چې، د یمن حوثیانو تر دې وړاندې هم په ځلونو د غزې په ننګه پر اسرائیلي اهدافو توغندیز بریدونه کړي دي.