څو ورځې وړاندې د پاکستاني الوتکو له لوري د پکتیکا ولایت په برمل ولسوالۍ کې له بهرنیو او کورنیو رسنیو څخه د مرګونو هوایي بریدونو ناوړه خبر خپور شو؛ دې بوږنوونکې پېښې ۴۶ بې انسانان په شهادت ورسول.
دې بریدونو د افغانستان دننه او بهر سخت غبرګونونه را وپارول، د افغانستان پر سرپرست حکومت سربېره، بېلابیلو بنسټونو، مؤسسو او بهرنیو هېوادونو هم دغه ډارن بریدونه په کلکه وغندل او خواشیني یې ښکاره کړه.
په همدې حال کې، د پرځېدلي جمهوریت ګڼ شمېر تښتېدليو چارواکو، د شر او فساد لارویانو په بې پروا ډول د انسانیت تر پښو لاندې کولو سره، دغه بریدونه د ځان لپاره په نېک فال ونیول او له پېښې شوې غمیزې څخه یې خوشحالي څرګنده کړه.
محمد محقق چې یو له پخوانیو بدنامو څهرو څخه و، د پاکستاني الوتکو د بمبارۍ په پایله کې شهیدانو شویو ملکي وګړو او ماشومانو ته د ترهګرو په ویلو سره هڅه وکړه چې دا نه بښونکی جنایت په بله بڼه وښيي.
محقق پر خپله اېکس پاڼه په خپاره شوي پیغام کې، د حزب وحدت په استازولۍ نه یوازې د پاکستان دغه وحشیانه جنایت غندلی نه دی او له کړیدلي افغان ملت سره یې خپله خواخوږي نه ده ښودلې، بلکې د افغانستان سرپرست حکومت یې په دې تورن کړی چې د بهرنیو وسلوالو ډلو کوربه دی، په داسې حال کې چې د نړۍ ټول هېوادونه (که د اوسني حکومت ملاتړي وي او که مخالفین) د محقق د دې بې بنسټه ادعا خلاف شاهدي ورکوي.
محقق په داسې حال کې د دې پېښې قربانیان ترهګر بولي چې د سیمې د اوسېدونکو او باوري رسنیو په وینا، د پېښي ډېری قربانیان ښځې او ماشومان وو. یونیسف هم د جدي میاشتې په شپږمه د پاکستاني پوځیانو په هوایي برید کې د ۲۰ ماشومانو د شهادت خبر ورکړی و.
که محقق او د هغه جعلي ګوند بې ګناه ښځې او ماشومان ترهګر ګڼي او له دې لارې د هغوی قرباني کېدل روا بولي، نو د دې بدخویه او د ماشومانو قاتل صهیونیستي رژیم ترمنځ څه توپیر دی؟ هغه څه دي چې دا دواړه له یو بل څخه بېلولی شي؟
ایا دا دا ریښتیا ندي چې صهیونیستي رژیم هم په غزه کې د ترهګرۍ ضد جګړې په شعار سره په پرله پسې ډول ماشومان، ښځې او ملکي وګړي شهیدانوي؟ هغه لوېدلی او وحشي کار چې اوس یې پاکستان د عملي کولو طرح خپله کړې او د محقق په څېر بدنام کسان پرې د تایید ټاپه لګوي!؟
هغه څه چې د یادونې وړ دي؛ افغان ملت په داسې سختو ورځو کې تر بل هر وخت خپل دوست او دښمن ښه پېژني او د دواړو اصلي څهرې ورته جوتېږي. له همدې امله باید باور ولرو چې افغان ملت به د محقق دا سپکې څرګندونې او د هغه د جعلي ګوند د کړنو یاد په خپل ذهن کې خوندي وساتي.
یادونه: په هندوکش غږ کې خپرې شوي لیکنې او نظریات یوازې د لیکوالانو د نظر څرګندونه کوي، د هندوکش غږ توافق ورسره شرط نه دی.