د امارتي شرکتونو عمومي ریاست ویلي، چې ملي بس امارتي شرکت مسوولینو د چین په شانګهای ښار کې د سن وین شرکت له چارواکو سره د عصري ملي بسونو د تولید او پېرلو، مېټرو، بيارټي سیسټم او ښاري ټرانسپورټ د پراختیا په اړه خبرې کړې دي.
د خبرپاڼې له مخې، د ټرانسپورټ په بېلابېلو برخو کې د ګډو همکاریو او عملي فرصتونو د رامنځته کولو په اړه د بحث او نظرونو د تبادلې ترڅنګ، تللي پلاوي د یاد شرکت له فابریکې، ماشینرۍ او تولیدي بهیر څخه هم لیدنه کړې ده.
یاد شرکت ویلي، چې د هېوادوالو د هوساینې، ښاري ټرانسپورټ د پراختیا او د یوه عصري او معیاري ټرانسپورټي سیسټم د رامنځته کولو لپاره خپلو هڅو ته دوام ورکوي.