د غزې په جبالیا سیمه کې درې اسرائیلي پوځیان ووژل شول
ټایمز اف اسرائیل د اسرائیلي پوځي چارواکو په حواله خبر ورکړی چې د القسام وسلوالو د ننیو بریدونو په ترڅ کې د غزې په جبالیا سیمه کې درې صهیونستي پوځیان وژل شوي دي.
د یادونې وړ ده چې له تېرو څو اونیو راهیسې د غزې په جبالیا سیمه کې دصهیونستي پوځیانو او القسام مجاهدینو تر منځ درنې نښتې روانې دي، چې دواړه لوري یوه او بل ته د درنې مرګژوبلې د اړولو ادعاوې کوي.
