اکسیوس راپور ورکړی، چې ټاکل شوې ده، د امریکا ولسمشر ډونالډ ټرمپ د ملګرو ملتونو د عمومي اسامبلۍ په څنډه کې په نیویارک کې د خلیج د همکارۍ شورا له مشرانو سره د ایران د جګړې او له جګړې وروسته د امریکا د پلانونو په اړه خبرې وکړي.
د راپور له مخې، دغه لیدنه به راتلونکې سهشنبه ترسره شي او د سعودي عربستان، متحده عربي اماراتو، قطر، بحرین، کویټ او عمان استازي به پکې ګډون وکړي. د راپور له مخې، د امریکا د بهرنیو چارو وزارت د دې ناستې لپاره لومړني بلنلیکونه استولي دي.
راپور زیاتوي، د ناستې اصلي تمرکز به د ایران له جګړې وروسته د امریکا پر طرحو وي. ویل شوي چې د ټرمپ اداره د جګړې له پای وروسته د منځني ختیځ لپاره د یوې ستراتیژۍ پر جوړولو کار کوي او تمه ده چې دغه پلان له امریکايي منځمهالو ټاکنو وروسته بشپړ شي.