د امریکا ولسمشر ټرمپ خبرداری ورکړی، که ایران د اوربند له سرغړونو لاس وانخلي، داسې وخت به راشي چې امریکا به اړه شي هغه پوځي عملیات، چې د ده په وینا په بریالیتوب سره یې پیل کړي، په بشپړ ډول پای ته ورسوي.
ټرمپ پر خپلې ټولنیزې شبکې، تروټ سوشال لیکلي، که داسې حالت رامنځته شي، «ایران به نور شتون ونه لري.»
هغه زیاته کړې، چې امریکا یو ځل بیا د ایران د توغندیو او بېپیلوټه الوتکو زېرمې او ساحلي راداري مرکزونه د هوايي بریدونو هدف ګرځولي، ځکه د ده په وینا، ایران د اوربند له هوکړې بیا سرغړونه کړې ده.
ټرمپ ویلي، احتمال شته چې ایران «هېڅکله له خپلو کړنو درس وانخلي» او خبرداری یې ورکړی چې واشنګټن به د هر ډول سرغړونې پر وړاندې سخت غبرګون وښي.