د پکتيکا ولايت د امنيه قومندانۍ رسنيز دفتر وايي، چې د ياد ولايت د لومړۍ امنيتي حوزې ځواکونو د مرکز ښرنې په تورمخې کلي کې د غلو هغه درې کسيزه ډله نيولې چې تېره شپه یې له يوه کور څخه ۱۲۰ زره امريکايي ډالر او نهه ميليونه پاکستانۍ کلدارې غلا کړې وې.
سرچينه زياتوي، چې غلو دا پيسې د يوه سوداګر له کوره غلا کړې وې او امنيتي ځواکونو د څو ساعتونو له تېرېدو وروسته له پيسو سره لاس په لاس نيولي او پیسې یې بېرته خپل څښتن ته سپارلي.