کابل ښاروالۍ وايي، د ښاري نظم د ښه والي، د ترافیکي ګڼې ګوڼې د کمښت او د خلکو د خوندیتوب په موخه یې د ښار په بېلابېلو سیمو کې د پلي تګ شپږ هوایي پلونه جوړ او ګټې اخیستنې ته سپارلي دي.
د ښاروالۍ د چارواکو په وینا، ټاکل شوې ده چې په نږدې راتلونکې کې څلور نور ورته پلونه هم په ګڼ مېشتو او مزدحمو سیمو کې جوړ شي.
د کابل ښاروالۍ د معلوماتو له مخې، دغه پلونه په هغو ځایونو کې نصب شوي چې د موټرو تګ راتګ پکې ډېر وي او د سړک د اوښتو پر مهال د ترافیکي پېښو خطر زیات وي.
بل لور ته، یو شمېر ښاریان د دا ډول پروژو هرکلی کوي او وايي چې هوایي پلونه د خلکو په ځانګړي ډول د زدهکوونکو، سپینږیرو او ښځو د خوندیتوب لپاره مهم دي.