لیکوال: اېمل پښتون
د ایران حکومت رسماً د چورلکې د سقوط پېښه کې د ولسمشر رییسي او خارجه وزیر مړینه تایید کړه. دې چورلکه کې ۱۱ کسان سپاره وو.
چارواکي وایي: د ټولو مړي په اور کې مسخ شوي دي.د ایران په سیاسي او حکومتي تاریخ کې دغه ستره غمیزه شمېرل کېږي.
چې هم یې رئیس جمهور او هم یې وزیر خارجه په هوايي پیښه کې د خپل ژوند له لاسه ورکولو سره مخامخ کېږي.
نظریه دا ده: چې د دا ډول مجهوله مړینې/وژنې اعلان تر یو څه مودې ځنډول کېږي، چې دولتي مورال لوړ وساتي او د احتمالي انتقام لپاره د قاتل ادرس مشخص شي یا د توجیه وړ دلیل سره اعلامیه خپره شي.ظاهراً د رئیسي د الوتکې سقوط طبعي یادیږي.
خو د منځني ختیځ، ختیځې اروپا او مرکزي آسیا نیابتي روانو جګړو ته په کتو، هر ډول عمدي عمل هم ممکن دی.
داسې مرګونه د خپل رعیت د مورال لپاره ساعتونه او ورځې ځنډول کېږي.
دا ډيره خوندوره پاليسي ده، چې لوړ حکومتونه يې د خپلو اتباعو د ذهني فشار د کمولو لپاره په کار اچوي او د خپل تصمیم د سنجش لپاره کافي وخت پکې موندل کېږي.
دا تخنیکي پيښه نه بريښي، ځکه تخنیکي پيښه چې يوه دقيقه وخت هم ونیسي، پلوټ څه خبر ورکولی شي، احتمال يې ډير د ویشتلو/ انفجار ښکاري.
د پاچا په چورلکه کې یو کس هم ژوندی نه دی پاتې شوی او دوې نورې تعقیبي چورلکې هېڅ ضرر نه ویني، د پېښې ځای په ساعتونو، ساعتونو نه افشا کېږي او د رییس جمهور مرستیال وایي، چې ګویا د چورلکې په عمله کې له دوو تنو سره مو تماس ټینګ شوی، په داسې حال کې چې د چورلکې د عملې د یو تن جسد هم روغ نه دی موندل شوی. دا هغه ګونګ وضعیت دی چې نور سوالونه راټوکوي.
له پاچاه سره مل آته کسیز پلاوی په داسې مرګ سره مري، چې د پېښې هېڅ راوي شاته نه پاتې کیږي، چې د پېښې کیسه بیان کړي، دا به وخت ثابته کړي، چې څه پېښ شول؟په هر حال د ایران د اتم ولسمشر دوسیه وتړل شوه.
