د پوهنې وزارت وايي، د بامیانو په کهمرد ولسوالۍ اړوند په دشت سفبد کلي کې د یو باب منځني ښوونځي د ودانۍ بنسټ ډبره کېښودل شوې ده.
له یاد وزارت څخه په خپره شوې خپرپاڼه کې ویل شوي، یاد ښوونځی به یو پوړیزه ودانۍ ولري، چې ۶ درسي ټولگي او دوه ادارې خونې له ټولو اړینو ملحقاتو سره ولري.
په خبرپاڼه کې د بامیانو د پوهنې رئیس عنایت الله سهار له قوله ویل شوي، چې په دغه ښوونځي ۱۳۲زره امریکايي ډالر لگښت راځي، چې یو مرستندویه بنسټ یې رغوي.
د پوهنې وزارت د معلوماتو له مخې، د هېواد گڼ شمېر سیمو کې د لومړنیو، منځنیو او لېسو دورې د ښوونځیو د جوړولو چارې روانې دي، چې ډېر ژر به گڼې ودانۍ د زدهکوونکو پرمخ پرانیستل شي.