د پنجشیر ولایت د امنیه قومندانۍ ویاند عبادالله فاروقي ویلي:«تېره ورځ ناوخته د پنجشېر د درې ولسوالۍ د تنبنې سيمې د غره په وچو وښو کې، د شپنو د بې غورۍ له امله اور لګېدلي و چې د درې ولسوالۍ د مسئولینو په شتون کې د سیمې د ولسي خلکو او امنیتي ځواکونو په ګډو هڅو د شپې ناوخته لګېدلی اور مړ شو».
د يادې سيمې غرونه ځنګلونه نه لري او اور په وچو وښو کې د شپنو د بی غورۍ له امله لګېدلی و.
د یادونې وړ ده چې سیمې ته د امنیتي ځواکونو د پر وخت رسېدو او د ولسي خلکو په همکارۍ د زیانونو د اووښتو مخنیوی شوی او هیچا ته مالي او ځاني زیان نه دی اوښتی.