د غزې روغتیایي ادارې ویلي چې پرون د جنوري په ۴ مه د غزې په بېلابېلو سيمو د صهيونيستي اسرائيلو د بریدونو له امله له ۷۰ ډېر کسان چې لويه برخه یې ښځې او ماشومان دي شهيدان شوي.
پر غزې د صهيونيستي اسرائیلو بریدونو ته په کتو اټکل کېږي چې صهيونيستي رژيم د اوربند لپاره کومه دلچسپي نه لري او قطر کې د اوربند په اړه روانې خبرې به هم بې پايلې پای ته ورسېږي.
د ویلو ده چې پر غزې د ۲۰۲۳ کال د اکټوبر له اوومې يرغل راهيسې له ۴۵ زره ډېر عام فلسطيني وګړي شهيدان تر يو لک ډېر ټپيان او ميليونونه نور بې کوره شوي.
که څه هم د صهيونيستي اسرائيلو له لوري په غزه کې روانه جګړه په ښکاره نسل وژنه بلل شوې؛ خو تر اوسه یې نړۍ د مخنيوي او د غزې د ملاتړ په اړه اقدام نه دی کړی بلکې برعکس د صهيونيستي اسرائيلو ملاتړ یې کړی.