د کاناډا لیبرال ګوند تېره ورځ (یکشنبه) د رایو په غوڅ اکثریت مارک کارني د دې هیواد د نوي لومړي وزیر په توګه ټاکلی. کارنر چې د کاناډا د مرکزي بانک مشري یې هم کړې، ۵۹ کاله عمر لري او د جسټن ټروډو پر ځای به د دې هېواد مشري پر غاړه واخلي.
کارنر تر خپل بري وروسته د امریکا پر ولسمشر ډونالډ ټرمپ په نیوکې سره ویلي: «امریکا زمونږ منابع، زمونږ اوبه، زمونږ خاوره او زمونږ هېواد غواړي. ټرمپ په کاناډایي کورنیو، کارګرانو او کاروبارونو بریدونه کوي. مونږ یې بریالي کېدو ته نهشو پریښودی.»
هېره دې نه وي چې، د امریکا ولسمشر ټرمپ واک ته تر بیا ځلې رسېدو وروسته څو ځلې ویلي چې، کاناډا به له امریکا سره یو ځای کړي.