د امریکا د بهرنیو چارو وزیر مارکو روبیو پرون سه شنبه په یوه اعلامیه کې د سوریې د نوي حکومت او د دیموکراتیکو ځواکونو ترمنځ د تازه اعلان شوې هوکړې هرکلی کړی، چې له مخې به یې په سوریه کې د کردانو نیمه خپلواکې سیمې د سوریې له ملي حکومت سره یو ځای شي.
د امریکا د بهرنیو چارو وزیر ویلي: «امریکا د سوریې د موقتي چارواکو او سوریې دیموکراتیکو ځواکونو تر منځ د تازه اعلان شوې موافقې هرکلی کوي، چې شمال ختیځه برخه به د متحدې سوریې سره یو ځای شي.»
د یادونې وړ ده، چې د سوریې دیموکراتیک ځواکونه د امریکا له ملاتړ څخه برخمن دي او په دغه هېواد کې یې تر دې وړاندې د داعش ډلې پر وړاندې جګړې هم کړي.