بهرنیو چارو وزارت د یوې خبرپاڼې په خپرولو سره ویلي چې، سرپرست حکومت د یوه “بشردوستانه” اقدام په توګه امریکايي وګړی، جورج ګلزمن له بنده خوشې کړ.
خبرپاڼې زیاته کړې چې د ټولو مسایلو حل د خبرو، تفاهم او دیپلوماسۍ له لارې ممکن دی او د یاد امریکایي تبع د خوشې کولو ګام هم د ښه نیت له مخې پورته شوی.
خبرپاڼه کې راغلي: «دا چي افغانستان کې جنګ ختم شوی، د داعش په څېر ډلې ځپل شوي او له افغانستان څخه هیڅ چاته خطر نه دی متوجه، دا ښیې چي افغانستان د سیمي او نړۍ په ثبات کې مثبت رول لوبولای شي او هم له نړیوالو سره خپل مسایل په ښه ډول حل کولای شي.»
د خبرپاڼې په پای کې، بهرنیو چارو وزارت له متحده عربي اماراتو او قطره منننه کړې چې په دغه برخه کې یې منځګړیتوب کړی دی.