د امریکا ولسمشر ډونالډ ټرمپ ویلي، چې د روسیې او اوکراین پوځونه هره اوونۍ نږدې پنځه زره سرتېري له لاسه ورکوي. نوموړي دا وضعیت د «خواشینۍ وړ» بللی دی.
ټرمپ د خبرو پر دوام ویلي: «روسیه چمتو ده او موږ باید له زیلینسکي سره یوې هوکړې ته ورسېږو، خو دا کار ډېر ستونزمن ثابت شوی.»
نوموړي وړاندې ویلي، چې غواړي د انسانانو د ژغورلو لپاره د روسیې او اوکراین ترمنځ د جګړې د بندېدا هوکړه وشي، «تر څو نوره وینه توی نه شي.»
د یادونې وړ ده چې، د امریکا ولسمشر ډونالډ ټرمپ په ټاکنیزو کمپاینونو کې ویلي وو، چې واک ته تر رسېدو سره سم به هر څه ژر د اوکراین جګړه پایته رسوي.