رويټرز خبري اژانس راپور ورکړی، چې په هندي کشمېر کې پر سيلانیانو تر برید او د پاکستان له خوا هندي الوتکو ته د هوايي حریم تر بندېدو وروسته د هند، ایرانډيا او انډيکو مخکښ هوايي شرکتونه د نړيوالو الوتنو د لارو بدلون ته اړ شوي دي.
په راپور کې ویل شوي، چې د الوتنو د مسیر بدلون د تیلو لګښت زيات او د سفر وخت اوږد کړی دی او په دې اساس هندي هوايي شرکتونو ته ميليونونه روپۍ زيان اوښتی.
هندي چارواکو په کشمېر کې پر سېلانیانو برید، چې ۲۶ کسان په کې ووژل شول د پاکستاني ډلو لاس درلودل بللي؛ خو پاکستان په دې بريد کې لاس لرل رد کړي.
دواړو اټومي هېوادونو یو د بل په وړاندې اقدامات پيل کړي او هند له پاکستان سره د ابو یو مهم تړون ځنډولی او پاکستان خپل هوایي حریم پر هندي هوایي شرکتونو تړلی دی.