د اطلاعاتو او کلتور وزارت د مطبوعاتو د ازادۍ ورځې په مناسبت ویلي، یاد وزارت له ټولو هغو رسنیو ملاتړ کوي، چې د اسلامي شریعت په رڼا کې د افغانستان خلکو فرهنګي ارزښتونو، باورونو او د خلکو شخصي حریم ته درناوی لري؛ پوره پوره ملاتړ یې کوي.
د یاد وزارت ویاند خبیب غفران ویلي، د سرپرست حکومت له بیا واکمنېدو وروسته اطلاعاتو او کلتور وزارت رسنیو سره په بېلابېلو برخو کې همکاري کړې، چې یواځې تېر کال شاوخوا ۱۵ رسنیزو ادرسونو د فعالیت جوازونه اخیستي دي.
غفران ویلي، ټولې هغه رسنۍ چې مسؤولانه نشرات کوي پوره ملاتړ یې کوي او نوموړي له ټولو رسنیو غوښتنه کړې، چې د افغانستان سرپرست حکومت له اصولو سره سم مسؤولانه نشرات وکړي.