Close Menu
    افغانستان

    بهرنیو چارو وزارت: روسیه کې د یوه بېلاروسي له‌خوا له افغان ماشوم سره د تاوتریخوالي قضیه له نږدې څارو

    عمران آغاڅرگندونې نشته1 دقیقه لوستل
    ‏بهرنیو چارو وزارت خبر ورکړی، چې د مسکو په شیریمیتوا نړیوال هوايي ډګر کې د یوه بېلاروسي وګړي له خوا له یوه افغان ماشوم سره د تاوتریخوالي قضیه له نږدې څاري.

    د خبرپاڼې له‌مخې، په همدې موخه مسکو کې د افغانستان سفارت ته دنده سپارل شوې، چې په کوربه هېواد کې له ټولو ډیپلوماټیکو او حقوقي لارو څخه یاده موضوع وڅاري او د پایلو په تړاو یې وزارت ته معلومات ورکړي.

    خبرپاڼه کې همداراز راغلي، چې په مسکو کې د افغانستان سفارت مستشار حافظ عبدالله یاسر د ټپي ماشوم د پوښتنې پرمهال د هغه له کورنۍ سره د بهرنیو چارو وزارت له لورې د شوې نغدي مرستې د ورکړې پر مهال د هر اړخېزې همکارۍ ډاډ ورکړی.

    د دې سربېره بهرنیو چارو وزارت له روسیې څخه غوښتنه کړې، د پېښې مجرم چې اوس‌مهال په توقیف کې دی، دوسیه یې جدي تعقیب او سزا ورکړل شي.

    مربوطه لیکنې

    ځواب پریږدئ