د وارفېر انلېسېس رسنۍ د راپور له مخې، غزې ته د رسېدلو ۷۳ مرستو لاريو له ډلې ډېرې یې د اسرائيلي اشغالګرو تر څار لاندې لوټ او غلا شوې دي.
سرچينې زياته کړې، چې د فلسطین د مرستو کمیسیون یوه سرچینه وايي، چې مصر مستقیماً د رفح له لارې د مرستو موټرو د داخلېدو پرځای اسرائيلي لوري ته مرستندویه لارۍ لېږلې دي.
د معلوماتو له مخې، اسرائيلي رژيم غزې ته د مرستو لېږلو کې خنډونه جوړوي او دې ته لاره برابروي چې دا مرستې غلا شي او د نړیوالو سازمانونو ګودامونو ته ونه رسېږي.
سرچينې زياته کړې، چې که مرستې په مستقيم ډول خلکو ته ونه رسيږي او همداسې د اسرائيلي رژيم تر لاس لاندې وي نو غزه کې لوږه پای ته نه رسېږي او دوام به ولري.
په ورته وخت کې حماس غورځنګ هم غزې ته د تلونکو مرستو پر څرنګوالي نيوکه کړې او د اسرائيلي رژيم هوايي مرستې یې هم د دغه رژيم د جنايتونو د پټولو هڅه بللې ده.