د پاکستان امنیتي سرچینو ویلي، چې د خیبر پښتونخوا دېره اسماعیل خان ولسوالۍ کې د پولیسو پر روزنیز مرکز د نن شپې ډلهییز برید کې تر ۵۰ ډېر پولیس وژل شوي دي.
د پاکستان یو شمېر پخوانیو متقاعدو افسرانو د یاد روزنیز مرکز پر موقعیت او دغه راز یې پر ودانیز جوړښت نیوکې کړې او په دې برخه کې یې د پښتوخوا ایالتي حکومت پړ بللی دی.
دوی ویلي، چې د روزنیز مرکز دېوالونه او دغه راز یې دخولي دروازه خورا کمزورې وه او تر وړاندې پرې څو ځلې د برید خبرداری هم ورکړل شوی و.
د پاکستاني طالبانو غورځنګ چې دغه هېواد کې یو له سترو حکومت ضد خوځښتونو بلل کېږي، د برید پړه منلې او د لسګونه پولیسو د وژلو ادعا یې کړې ده.
د یادونې ده، چې دېره اسماعیل خان کې د پولیسو پر مرکز برید نن ماخستن شاوخوا ۸:۳۰ بجې د موټر بم له یوې خورا زوروې چاودنې سره پیل او د څو ساعتونو په مخه یې دوام وکړ.
