د پاکستان پوځي رژیم دفاع وزير خواجه اصف له يوه ټلويزيوني چينل سره په مرکه کې ويلي، چې «طالبانو» ترې لس ميليارده کلدارې پور غوښتی دی.
خواجه اصف داسې مهال دا خبره کوي، چې پاکستان له ۱۳۰ ميليارده ډالرو ډېر پوروړی دی او د همدې پور د خلاصولو لپاره یې د خپل هېواد د قيمتي ډبرو او کانونه نمونې د ليلام په موخه په بکس کې امريکا ته وړې وې.
پاکستان دا مهال د نړۍ په کچه د پوروړو هېوادونو په ډله کې راځي، چې اقتصادي ثبات یې د سقوط په درشل ولاړ دی.
ياده دې وي، چې افغانستان په اوس وخت کې د هېچا پوروړی نه دی او له تېر جمهوريت پاتې ميلياردونه افغانۍ پور هم په وروستيو کلونو کې خلاص شوی.