د ټرانسپورټ او هوايي چلند وزارت د هوا پېژندې ریاست نن او سبا (د غویي لومړۍ او دویمه) نېټه د هېواد په ۲۹ ولایتونو کې د واورې باران او تېزو بادونو اټکل کړی.
په یادو ولایتونو کې هرات، فراه، ارزګان، پنجشېر، پروان، بغلان، سمنګان، بدخشان، کندوز، تخار، بلخ، جوزجان، سرپل، فاریاب، غور، کابل، غزنې، بادغیس، دایکندي، بامیان، میدان وردګ، لوګر، پکتیا، خوست، پکتیکا، ننګرهار، لغمان، کاپیسا او نورستان ولایتونه شامل دي.
یادې ادارې ویلي، چې په مختلفو سیمو کې به د باران کچه له ۱۰ تر ۳۵ ملي مترو پورې وي.
د هوا پېژندنې ریاست سالنګونو په ګډون د هېواد په جنوبي، مرکزي، او جنوب ختیځو ولایتونو کې د توند بادونو اټکل هم کړی چې سرعت به یې ساعت کې له ۵۰ تر ۱۰۰ کیلومترو پورې وي.