د چاپېریال ساتنې عمومي ادارې رئیس، مولوي مطیعالحق خالص د اذربایجان په «WUF13» نړۍوال فورم کې له هندي پلاوي او تخنیکي ټیم سره کتلي.
یادې ادارې په یوه خبرپاڼه کې ویلي، چې دې کتنه کې د افغانستان د اقلیمي زیانمنتیا، د اقلیمي بدلونونو د منفي اغېزو او په ځانګړي ډول پر ښارونو د دغو بدلونونو د اغېزو په اړه خبرې شوي.
خبرپاڼه زیاتوي، چې دواړو لورو د چاپېریالي ننګونو د کمولو لپاره پر ګډو همکاریو او د تجربو پر تبادلې هم ټینګار کړی دی.