د اذربایجان مرستیال ولسمشر، حکمت حاجيیف ویلي، چې د افغانستان او اذربایجان ترمنځ د سیاسي، اقتصادي او ښوونیزو اړیکو د پراختیا لپاره پراخ فرصتونه شته.
نوموړي د کابل او باکو ترمنځ د پلاوو تګ راتګ ته په اشارې زیاته کړې، چې دواړو لورو په وروستیو میاشتو کې د اقتصادي او سوداګریزو همکاریو ظرفیتونه ارزولي او د اړیکو د لا پراختیا لپاره کار روان دی.
د اذربایجان مرستیال ولسمشر، وړاندې له افغانستان سره د ښوونې او روزنې په برخه کې د همکاریو پر زیاتوالي هم ټینګار کړی دی.