د افغاني سرې میاشتې ټولنې له لوري جرمني ته د درملنې لپاره استول شوي ۱۹ ماشومان، چې د مېکروبي هډوکو په ناروغۍ اخته وو، تر بشپړې درملنې او رغېدو وروسته هېواد ته راستانه او خپلو کورنیو ته وسپارل شول.
افغاني سره میاشت وایي، له تېرو ۳۶ کلونو راهیسې د المان «سولې کلي خیریه بنسټ» له لوري د لاسلیک شوي هوکړه لیک پر بنسټ هر کال هغه ماشومان، چې د مېکروبي هډوکو په ناروغۍ اخته وي، د درملنې لپاره یاد هېواد ته استوي.
د یادې ټولنې په وینا، تر دې مهاله شاوخوا ۵۰۰۰ ماشومان جرمني کې تر بریالۍ درملنې وروسته بېرته خپلو کورنیو ته راستانه شوي او دا لړۍ لا هم دوام لري.