راپورونه وایي، د امریکا او سعودي عربستان دوه دفاعي شرکتونو په ګډې پانګونې ریاض ته نږدې د یوې فابریکې د جوړولو کار روان کړی، څو د ایران «شاهد-۱۳۶» ډرونونو ته ورته جنګي بېپیلوټه الوتکې تولید کړي.
ویل شوي، دغه ډرونونه به د شاوخوا ۱۵۰۰ کیلومتره واټن د ویشتلو وړتیا ولري.
په راپور کې راغلي، چې د دغو بېپیلوټه الوتکو تولید به یوازې د سعودي د کورنۍ اړتیا لپاره نه وي، بلکې متحدو هېوادونو ته د صادراتو پلان هم ورته جوړ شوی دی.
د یادونې ده، چې د ایران شاهد-۱۳۶ ډرونونه تر دې وړاندې د روسیې او چین له خوا هم کاپي شوي دي.