د امریکا ولسمشر ډونالډ ټرمپ د لبنان په جګړه کې د اسرائیلو پر پوځي تګلارو نیوکه کړې او ویلي یې دي چې د حزبالله د غړو د په نښه کولو لپاره د استوګنیزو ودانیو بمبارول د ملکي وګړو د مرګژوبلې سبب ګرځي.
ټرمپ د جي-۷ غونډې پر مهال ویلي، ټول هغه کسان چې په دغو ودانیو کې ژوند کوي جنګیالي نه دي، او اسرائیل باید له زیات احتیاطه کار واخلي.
هغه همداراز څرګنده کړې چې دغه بریدونه د امریکا د سولې او ډیپلوماټیکو هڅو لپاره ستونزې رامنځته کوي.
ياده دې وي، چې په دې وروستيو کې د اسرائیل په تېره د نتنياهو په اړه د ټرمپ پاليسۍ کې د بدلون څرک ښکاري.