نړۍوالو رسنیو راپور ورکړی، چې د قطر د راسلفان صنعتي سیمې په یوه فابریکه کې زوروره چاودنه رامنځته شوې.
د قطر کورنیو چارو وزارت ویلي، د چاودنې له امله ۵۴ کسان ټپیان شوي او ۱۸ تنه ورک دي.
سرچینې زیاته کړې، چې د ژغورنې ډلې د ملکي دفاع له ټیمونو سره په ګډه د ژغورنې عملیات روان ساتلي دي.
قطري چارواکو ویلي، چې چاودنه د فابریکې د فعالیت پر مهال د تخنیکي ستونزې له امله رامنځته شوې ده.
د قطر د کورنیو چارو وزارت ټینګار کړی چې په پېښه کې د خطرناکو موادو هېڅ ډول خپرېدنه نه ده رامنځته شوې.