د وصل نیوز په نوم عربي رسنۍ خبر ورکړی، چې د الجزایر په پلازمېنه الجزیره کې د یتیمانو په یوه روزنتون کې د اورلګېدنې له امله ۱۱ کسان، چې ماشومان هم پکې شامل دي، مړه شوي او ۱۹ نور ټپیان دي.
راپورونه وایي، دغه اور د محمدیه سیمې په یوه یتیمخانه کې د پنجشنبې په سهار لګېدلی و. د ملکي خوندیتوب ځواکونو د پېښې له ځایه ګڼ ماشومان ژغورلي، چې پنځه معلول ماشومان هم پکې شامل دي.
چارواکو ویلي، ټپیان د درملنې لپاره روغتونونو ته لېږدول شوي دي. د لومړنیو څېړنو له مخې، ښایي اور د هوا د سختې ګرمۍ له امله د پرلهپسې فعال ایرکنډېشن له برېښنايي جرقې رامنځته شوی وي، خو د پېښې د اصلي لامل د معلومولو لپاره لا هم څېړنې روانې دي.