د سوفان سنټر په یوه تحلیل کې ویلي، چې د امریکا ولسمشر ډونالډ ټرمپ پر ایران د بریدونو له لارې هڅه کوي پر تهران فشار زیات کړي، ترڅو بېرته د خبرو مېز ته راوګرځي، خو د ایران دوامداره توغندیز بریدونه د دې ستراتیژۍ پر اغېزمنتیا پوښتنې راپورته کوي.
د راپور له مخې، ایران هڅه کوي امریکا د هرمز تنګي په اړه د تهران غوښتنو منلو ته اړ کړي او د خلیج عربي هېوادونو زیربناوې هم په نښه کوي.
ایراني مشرانو په یمن کې حوثیانو ته د بابالمندب تنګي د تړلو شین څراغ هم ورکړی، ترڅو پر نړیوالو انرژۍ بازارونو او اقتصاد فشار زیات شي.
د د سوفان سنټر په وینا، که څه هم د خلیج عربي هېوادونه د تاوتریخوالي د کمېدو ملاتړ کوي، خو متحده عربي امارات او ځینو نورو هېوادونو په پټه پر ایراني اهدافو محدود بریدونه هم کړي دي.