د تسنیم خبري اژانس د راپور له مخې، د ایران مذهبي رهبر سید مجتبی حسيني خامنهاي د دغه هېواد د وسله والو ځواکونو په مهمو بستونو کې شپږ لوړپوړي پوځي چارواکي پر نویو دندو ټاکلي دي.
د خبر له مخې، علي عبداللهي د وسله والو ځواکونو د لوی درستیز، کیومرث حیدري د لوی درستیز د مرستیال او احمد وحیدي د سپاه پاسداران د عمومي قوماندان په توګه ټاکل شوي دي.
همداراز مصطفی ایزدي د سپاه پاسداران د عمومي قوماندان د مرستیال، علي عظمایي د سپاه پاسداران د سمندري ځواکونو د قوماندان او حسین طائب د بسیج مستضعفین سازمان د رئیس په توګه ټاکل شوي دي.
په نویو حکمونو کې د دفاعي او امنیتي وړتیاوو لوړول، د پوځي ځواکونو د چمتووالي پیاوړتیا، د روزنې او تجهیزاتو پراختیا او د احتمالي ګواښونو پر وړاندې د اغېزمن غبرګون لپاره چمتووالی د نویو چارواکو له مهمو مسؤلیتونو څخه بلل شوي دي.